Vətəninfo.az BBC istinadən xəbər verir ki, Meksikanın şimalındakı Çihuahua şəhərində canlı olaraq nifrət dolu mahnılar ifa edənlər cəzalandırılacaq.

Şəhər şurasının qərarı “gender əsaslı zorakılıq epidemiyası” fonunda qadınlara qarşı “ayrı-seçkilik edən” mahnıların ifasına görə 1,2 milyon pesoya (72 min dollar) qədər cərimə tətbiq etməyə imkan verir.

BMT-nin məlumatına görə, Meksikada hər gün on qadın və qız öldürülür.

Keçmişdə Chihuahua narkotik cinayətlərini tərənnüm edən mahnıların ifasını qadağan edib.

Yeni tədbir “qadınların deqradasiyası, ayrı-seçkiliyi, marginallaşması və ya təcrid edilməsini” təşviq edən mahnıları hədəf alacaq.

Çihuahua Şəhər Şurasının üzvləri qeyd ediblər ki, tədbir qadınların və ailələrin ləyaqətini və insan hüquqları qanununu qorumaq üçün nəzərdə tutulub.