ABŞ Dövlət Departamenti Gürcüstanın baş naziri İrakli Qaribaşvilinin Rusiyanın Kiyevin NATO-ya üzv olmaq istəyinə görə Ukraynaya hücum etməsi ilə bağlı bəyanatına cavab verib.
Vətəninfo.az xəbər verir ki. bu barədə Dövlət Departamentinin “Amerikanın səsi”nin Gürcüstan xidmətinə verdiyi cavabda deyilir.
Departament Qaribaşviliyə xatırladıb ki, Rusiya təcavüzü 2022-ci ildə başlamadı, çünki genişmiqyaslı işğal 2014-cü ildə Krımın və Luqansk və Donetsk vilayətlərinin bir hissəsinin ilhaqının davamı idi.
ABŞ Dövlət Departamenti Rusiya Federasiyasının Ukraynanın NATO-ya daxil olmaq istəyindən ölkəni işğal etmək üçün bəhanə kimi istifadə etdiyini vurğulayıb.
“Prezident Putinin qarşısını almaq səylərimizin bir hissəsi olaraq, 2022-ci il fevralın 24-də suveren Ukrayna ərazisinə tammiqyaslı işğalın başlanmasından bəri Birləşmiş Ştatlar ardıcıl olaraq Rusiyanın tuta biləcəyi iki yoldan danışır: dialoq və diplomatiya və ya eskalasiya və tam miqyaslı nəticələr. Biz birinciyə nail olmaq üçün real və səmimi səy göstərdik, lakin Putin müharibəni seçdi”, – ABŞ Dövlət Departamenti bildirib.
