ABŞ Ticarət Nazirliyi sanksiya siyahısına erməni şirkətini də daxil edib. Vətəninfo.az xəbər verir ki, dünən ABŞ Dövlət Nazirliyi “Amerikanın səsi” nin Ermənistanın Qərbin qadağan etdiyi malların Rusiyaya təkrar ixracında nə dərəcədə iştirak etməsi ilə bağlı sorğusuna cavab verib.
Bu gün, mayın 19-da ABŞ Ticarət Nazirliyi ABŞ sanksiyaları altında olan şirkətlərin siyahısının genişləndirilməsi ilə bağlı məlumat yayıb. Nəticədə İrəvanda qeydiyyatdan keçmiş yeddidən çox təşkilata, o cümlədən “Medisar” MMC-yə qarşı sanksiyalar və məhdudiyyətlər tətbiq edilib.
2010-cu ildə əsası qoyulan Medisar Ermənistanda sənaye və laboratoriya kimyəviləri, qida maddələri və laboratoriya avadanlıqlarının ən böyük idxalçılarından biridir. O, sanksiyalar siyahısında yer alıb, çünki Amerika tərəfinin fikrincə, o, ABŞ qanunlarının tələb etdiyi kimi, Amerika mallarının son istifadəsini yoxlamağı qeyri-mümkün edən fəaliyyətlərlə məşğuldur.
Yeni siyahıda Ermənistan şirkətindən başqa Qırğızıstanın “Tro.Ya” şirkəti və Rusiyanın 69 təşkilatı yer alıb. Vaşinqtonun fikrincə, bu şirkətlər ABŞ-ın milli təhlükəsizliyi və xarici siyasətinin maraqlarına zidd fəaliyyət göstərir.
