Vaşinqton hücumdan iki saat əvvəl Tehrana İranın nüvə obyektlərinə zərbə endirmək niyyəti barədə xəbərdarlıq edib.
Vətəninfo.az xəbər verir ki, bu barədə X sosial şəbəkəsində ABŞ müdafiə nazirinin keçmiş müşaviri, polkovnik Duqlas Makqreqor yazıb.
“Mən aydınlaşdırmaq istərdim. Birləşmiş Ştatlar nüvə obyektlərinə zərbə endirməzdən iki saat əvvəl İrana hücum barədə xəbərdarlıq edib”, – o qeyd edib.
ABŞ prezidenti Donald Tramp daha əvvəl bəyan etmişdi ki, İslam Respublikasının hakimiyyət orqanları ABŞ-ın İranın nüvə obyektlərinə zərbələr endirməyi planlaşdırdığından son ana qədər xəbəri olmayıb. Tramp həmçinin bildirib ki, heç kim ABŞ-ın Fordo nüvə obyektinə hücum edəcəyini ağlına belə gətirə bilməzdi, çünki o, toxunulmaz hesab edilirdi.
