“Tramp ABŞ-ın atəşkəsin monitorinqində iştirak edəcəyi və onun saxlanmasına dəstək olacağı ilə razılaşdı”, – Kambocanın baş naziri Kyodo xəbər agentliyindən sitat gətirib.
İyulun 29-da Tailand ordusu Kambocanı atəşkəs rejimini pozmaqda günahlandıraraq, sərhəddə “Kamboca tərəfinin təhrik etdiyi” yeni atışma elan edib. Daha sonra Tailandın baş naziri səlahiyyətlərini icra edən Phumtham Vechayathai sərhəddə vəziyyətin sakit olduğunu bildirib.
Malayziyanın baş naziri Ənvər İbrahim daha əvvəl tərəflər arasında danışıqlara ev sahibliyi etmiş, daha sonra Asiya ölkələri arasında atəşkəs elan etmişdi. Danışıqlarda ABŞ və Çindən də nümayəndələr iştirak edib.
Tailand və Kamboca arasındakı sərhəddə atəşkəs 30-dan çox adamın, o cümlədən mülki şəxslərin ölümünə və 300 mindən çox insanın didərgin düşməsinə səbəb olan beş gün davam edən döyüşlərdən sonra iyulun 29-da gecə yarısı qüvvəyə minib.
