ABŞ hökuməti qeyri-qanuni miqrant axınının qarşısını almaq üçün Meksika sərhədinə əlavə 1500 hərbçi göndərəcək.
Vətəninfo.az xəbər verir ki, Co Bayden administrasiyası qeyri-qanuni mühacirlərin ABŞ-dan deportasiya prosesini sürətləndirən qanunun ləğvindən əvvəl sərhədə nəzarəti saxlamaq üçün əlavə 1500 hərbçi planlaşdırıb.
Qeyd olunub ki, hökumətin bu qərarı mayın 11-də başa çatacaq qanuni məhdudiyyətlərdən sonra ABŞ sərhədinə gələn qeyri-qanuni miqrantların sayında böyük artım olacağı gözləntisinə əsaslanır.
Yeni təyin olunmuş hərbi hissə 90 gün ərzində sərhəd bölgəsində inzibati vəzifə daşıyacaq və heç bir hüquq-mühafizə funksiyasını yerinə yetirməyəcək.
Qeyd edək ki, ABŞ mediasında son günlər ölkənin cənub sərhədindən hər gün təxminən 7 min qeyri-qanuni miqrantın gəldiyi və bu rəqəmin önümüzdəki həftələrdə artacağının gözlənildiyi yazılır.