Rusiya Federasiyası xarici işlər nazirinin müavini Sergey Ryabkovun sözlərinə görə, ABŞ NATO-dan çıxmaq niyyətində deyil və Vaşinqtonun sərt ritorikasından təşkilatdakı həmkarlarını həvəsləndirmək üçün istifadə olunur.
Vətəninfo.az xəbər verir ki , bu barədə Rusiya xarici işlər nazirinin müavini “International Life” jurnalına müsahibəsində bildirib.
“Mən bunun baş verəcəyini düşünmürəm (red. ABŞ-ın NATO-dan çıxmasını nəzərdə tutur). Hesab edirəm ki, ABŞ-ın indiki administrasiyasının ritorikasında və lüğətində müəyyən cəsarət var. Hesab edirəm ki, bu, “NATO atı”nı stimullaşdırmaq üçün istifadə oluna biləcək bir növ şifahi qamçı elementidir”, – rusiyalı diplomat bildirib.
