Rusiya Ukraynada hərbi əməliyyatlara başladıqdan sonra ABŞ Rusiyanın xaricdəki 1 milyard dollardan çox aktivini müsadirə edib və ya onun müsadirəsinə şərait yaradıb. Vətəninfo.az xəbər verir ki , bu barədə CBS News məlumat yayıb.
Nəşrin yazdığına görə, rusiyalı oliqarxlar müxtəlif yollarla sərvətlərini gizlətməyə çalışsalar da, ABŞ prokurorları sanksiyalardan yayınaraq varlı rusları tapmağa nail olublar.
ABŞ baş prokurorunun müavini Liza Monakonun sözlərinə görə, ABŞ hökuməti İsveçrə və Yaxın Şərqdə təyyarələri vurub, İtaliya, Almaniya və Latviyada qaçaqmalçıları həbs edib və bununla da “gizlənəcək yerin olmadığını” nümayiş etdirib.
Ötən il ABŞ Ədliyyə Nazirliyi Ficidə rusiyalı oliqarx Süleyman Kərimova məxsus 300 milyon dollarlıq, İspaniyada isə oliqarx Viktor Vekselberqə məxsus 90 milyon dollarlıq yaxtanı ələ keçirib. Həm Kərimov, həm də Vekselberq ABŞ-ın sanksiya siyahısındadır.
ABŞ Ədliyyə Nazirliyi tərəfindən 350 milyon dollar dəyərində bir Boeing və 60 milyon dollarlıq Gulfstream təyyarəsi də ələ keçirilib.
Qərb ölkələri Ukraynanın bərpası üçün müsadirə edilmiş Rusiya aktivlərindən istifadə etmək yolunu tapmaq istədiklərini dəfələrlə bildiriblər.
