Amerikanın B-1B Lancer strateji bombardmançılarından ibarət qrup Yaponiyanın şimalındakı Misava aviabazasına gəlib.
Vətəninfo.az xəbər verir ki, bu barədə ABŞ-ın Sakit Okean Hərbi Hava Qüvvələri Komandanlığı məlumat yayıb.
Komandanlığın rəsmi saytında dərc edilmiş bəyanatda qeyd edildiyi kimi, yerləşdirmə Yaponiya ilə güclü təhlükəsizlik əməkdaşlığını əks etdirir və Hind-Sakit okean regionunda istənilən çağırışa tez və qətiyyətlə cavab vermək üçün birgə qabiliyyəti gücləndirir.
Təyyarə regional sabitliyin möhkəmləndirilməsinə yönəlmiş strateji çəkindirmə missiyası çərçivəsində müttəfiqlərlə təlimlərdə iştirak edəcək.
