Vətəninfo.az xəbər verir ki, Atom Enerjisi üzrə Beynəlxalq Agentliyin (AEBA) baş direktoru Rafael Qrossi CNN telekanalına müsahibədə İranla bağlı son vəziyyəti dəyərləndirib.
Qrossi, AEBA müfəttişlərinin İrana qayıtmasını “yaxşı əlamət” kimi qiymətləndirib və vurğulayıb ki, İran Nüvə Silahlarının Yayılmaması haqqında Müqaviləsindən (NPT) çıxmayıb.
Baş direktor qeyd edib ki, Fordo, Nətənz və İsfahan nüvə obyektlərinə edilən hücumlar nəticəsində bu obyektlərdə ciddi ziyan baş verib və bu da obyektlərə fiziki girişi çətinləşdirir. Onun sözlərinə görə, hazırda yoxlamaların bərpası üçün texniki tədbirlər və üsullarla bağlı danışıqlar aparılır.
Qrossi sözlərinə görə, Avropa İttifaqının İrana qarşı həyata keçirdiyi tədbirlərin ölkənin agentliklə əməkdaşlığına təsir etməsi istisna edilmir. O, qeyd edib ki, indi İrana qarşı sanksiyaların yenidən tətbiq edilməsinin qarşısını almaq üçün istifadə olunmalı olan 30 günlük bir zaman pəncərəsi mövcuddur.
