“Bu Azərbaycanın həm döyüş, həm də siyasi arenadakı qələbəsinin nəticəsidir. Qəbul etməliyik ki, biz hər iki arenada məğlub olmuşuq.”. Vətəninfo.az xəbər verir ki, bunu erməni politoloq Aleksandr İskəndəryan deyib.
Erməni politoloq sülh sazişinin imzalanacağına qətiyyən əmin deyil. O hesab edir ki, Azərbaycan və Ermənistan hələ də Paşinyanın bu gün dediklərinə baxmayaraq, vəziyyətə fərqli baxırlar.
“Azərbaycanın istəkləri böyükdür və bu istəkləri hansı yolla olur, olsun əldə etməyə çalışır. Bizim təsir imkanlarımız artıq yoxdur. Dünya artıq Azərbaycanın haqlı olduğunu qəbul edib. Paşinyanın Qarabağla açıqlaması o demək idi ki, artıq Qarabağ Ermənistanı maraqlandırmır” -deyə politoloq bildirib.
