Aİ bundan sonra da Azərbaycan və Ermənistan arasında münasibətlərin tam normallaşmasında, eləcə də nəqliyyat və kommunikasiya infrastrukturunun inkişafında yaxın tərəfdaş rolunu oynayacaq.
Bu barədə Aİ-nin Cənubi Qafqaz üzrə xüsusi nümayəndəsi Maqdalena Qrono “X” sosial şəbəkəsindəki səhifəsində yazıb.
“Aİ nümayəndə heyətinə rəhbərlik etdiyim Azərbaycana səfərə görə azərbaycanlı tərəfdaşlara minnətdaram. Aİ-nin normallaşmanın bütün aspektləri, o cümlədən nəqliyyat kommunikasiyalarının inkişafı üçün dəstəyi gücləndirməyə hazır olduğu mesajını çatdırdım”, – o qeyd edib.
Qronno bildirib ki, o, Naxçıvana da səfər edib və Aİ ilə mümkün əməkdaşlıq üçün yerli nəqliyyat infrastrukturu ilə tanış olub.
