Türkiyə Xüsusi Təyinatlı və Quru Qoşunlarının şəxsi heyəti Almaniyada keçirilən Avropanın Ən Yaxşı Snayper Komandası Yarışında birinci və ikinci yerləri tutub.
Vətəninfo.az xəbər verir ki, 2024-cü il 5-11 avqust tarixləri arasında Almaniyanın Hohenfels şəhərində 19 NATO müttəfiq ölkəsindən 36 komanda Avropanın ən yaxşı snayper komandası olmaq üçün yarışdı.
7-ci Ordu Təlim Komandanlığının (ABŞ ordusunun Almaniyada yerləşən bölməsi) ev sahibliyi etdiyi yarışda Türkiyədən 2 komanda iştirak edib.
Yarış zamanı hər il snayper bölmələri quruda naviqasiya, qabaqcıl atıcılıq, tibbi simulyasiyalar və digər sınaqlardan keçir.
Avropanın Ən Yaxşı Snayper Komandası Yarışında Türkiyə Quru Qoşunları komandası 1-ci, Türkiyə Xüsusi Təyinatlı Qüvvələri komandası isə 2-ci yerə çıxaraq yarışa damğalarını vurublar.
