02–05 aprel 2026-cı il tarixlərini əhatə edən səfərin əsas məqsədi Azərbaycan ilə Türkiyə arasında sağlamlıq turizmi sahəsində əməkdaşlığın inkişaf etdirilməsi, institusional əlaqələrin genişləndirilməsi və tibbi turizm imkanlarının qarşılıqlı təşviqidir.
Korrekt.az xəbər verir ki, nümayəndə heyətini Trabzon Hava Limanında “Özel İmperial Hastanesi” qrupunun Sağlamlıq Turizmi Departamentinin müdiri Furkan Dalyan və Korporativ Marketinq Departamentinin müdiri Erkan Deniz qarşılayıb.
Azərbaycandan gələn nümayəndə heyətinə Azərbaycan Sahinkarlar Kongederasiyasının Rəyasət heyətinin üzvü, Azərbaycan Sağlamlıq və Termal Turizmə Dəstək Assosiasiyasının sədri Ruslan Quliyev rəhbərlik edir. Heyətin tərkibinə həmçinin Ceyhun Aşurov (Skal Baku Turizm Peşəkarları Təşkilatının sədri), Vuqar Eyvazov (ÖTMA-nın baş katibi), Anar Yusifov (“Referans Medical Group”un strateji marketinq və tibbi turizm üzrə meneceri), Azərbaycan Health Tourism LLC-nin baş direktoru Elnarə Cabbarova və Ramil Əliyev (“İnkişafa və İslahatlara Dəstək” İctimai Birliyinin sədri) daxildir.
Səfər çərçivəsində nümayəndə heyətinin bir sıra rəsmi görüşlər keçirməsi, aparıcı səhiyyə müəssisələrini ziyarət etməsi və tanışlıq proqramlarında iştirak etməsi planlaşdırılır.
Görüşlər zamanı tərəflər arasında səhiyyə və tibbi turizm sahəsində əməkdaşlıq perspektivlərinin müzakirəsi, birgə layihələrin həyata keçirilməsi, eləcə də qarşılıqlı təcrübə mübadiləsinin aparılması nəzərdə tutulur.
