Bakı şəhəri sürətlə inkişaf etdiyindən və müsbət mənada ciddi dəyişdiyindən BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının (COP29) burada keçirilməsi qərara alınıb.
Bunu “Report”a açıqlamasında Bakı Şəhər İcra Hakimiyyətinin başçısı Eldar Əzizov bildirib.
“Bu, beynəlxalq miqyasda olduqca əhəmiyyətli tədbirdir. Ölkə rəhbərliyinin son illər apardığı siyasət nəticəsində Azərbaycan güclənib, qlobal sistemdə mövqeyini möhkəmləndirib,” – deyə o əlavə edib.
