ABŞ prezidenti Co Bayden NATO-nun Vilnüs sammiti çərçivəsində Türkiyə prezidenti Rəcəb Tayyib Ərdoğanla görüşüb. Bu barədə “Vətəninfo.az Ağ Evin yaydığı press-relizə istinadən xəbər verir .
“Prezident Bayden, İsveçin baş naziri Kristerson və NATO-nun baş katibi Stoltenberq ilə İsveçin NATO-ya üzvlük protokolunun ratifikasiya olunmaq üçün parlamentə təqdim edilməsi ilə bağlı əldə olunan razılığa görə prezident Ərdoğanı təbrik edib”.
Tərəflər həmçinin ikitərəfli əməkdaşlığın gücləndirilməsi səylərini, qarşılıqlı maraq doğuran regional məsələlər, o cümlədən Ukraynaya dəstək, Egey dənizində sabitliyin qorunmasının vacibliyini müzakirə ediblər.
İyulun 11-12-də Litvanın paytaxtında NATO-nun sammiti keçirilir.
