Vətəninfo.az xəbər verir ki, Belarusun Baş Qərargah rəisi Pavel Muraviyko bildirib ki, Belarus Polşaya “səhv” məlumat verib və bir neçə pilotsuz təyyarəni öz ərazisində vurub. Onun sözlərinə görə, Belarusun verdiyi məlumat Polşaya öz növbətçi qüvvələrini işə salmaqla dronların hərəkətlərinə operativ reaksiya verməyə imkan yaradıb.
Daha əvvəl rəsmi Varşava tərəfindən verilən məlumata görə, Rusiya pilotsuz təyyarələri Polşa ərazisini pozub və bəziləri vurulub. Hadisə geniş ictimaiyyətin diqqətini cəlb edib.
Polşanın üzvü olduğu NATO Şimali Atlantika Alyansı, Polşanın hava məkanını pozan pilotsuz təyyarələrə qarşı təcavüz aktı olaraq qiymət verməyib. Bu barədə “Reuters” mənbəyə istinadən məlumat yayıb. Mənbə qeyd edib ki, “NATO təyyarələri ilk dəfə olaraq müttəfiqlərin hava məkanında potensial təhlükələrə hücum edib.”
Polşanın Baş naziri Donald Tusk isə Rusiya pilotsuz təyyarələrinin ölkə hava məkanına daxil olmasını “genişmiqyaslı təxribat” kimi qiymətləndirib. O, insidentlə əlaqədar hökumətin təcili iclasını çağırıb.
Aİ-nin diplomatiya rəhbəri Kaia Kallas hadisənin təsadüfi olmadığını bildirib.
