Ukrayna prezidenti Vladimir Zelenski müttəfiqlərini Ukraynanı gücləndirməyə davam etməyə çağırıb və müharibənin sonunun daha yaxın olduğunu vurğulayıb.
Vətəninfo.az xəbər verir ki, bu barədə ABC News-a müsahibəsində bildirib.
“Qələbə planı Ukraynanı gücləndirməkdir. Ona görə də biz dostlarımızdan, müttəfiqlərimizdən bizi gücləndirmələrini xahiş edirik. Bu çox vacibdir. İnanıram ki, biz sülhə düşündüyümüzdən daha yaxınıq. Biz müharibənin sonuna daha yaxınıq”, – deyə Zelenski bildirib.
O əlavə edib ki, Rusiya prezidenti Vladimir Putin Ukrayna müdafiə qüvvələrinin Kursk vilayətində hərəkətlərindən qorxur. Və yalnız Ukrayna güclü mövqedə olsa, müharibəni dayandıra biləcək.
