Həmas döyüşçüləri Qəzza zolağında qısamüddətli atəşkəsin yaradılmasına və 4 girovun azad edilməsinə razı olmayıblar. Təklif Misir tərəfindən edilib. Vətəninfo.az xəbər verir ki, bu barədə ABŞ dövlət katibi Entoni Blinken bildirib.
Qeyd edilib ki, dünən o, Misirin xarici işlər naziri Bədr Abdelati ilə xüsusi olaraq Yaxın Şərqdəki vəziyyəti müzakirə etmək üçün söhbət edib.
“Dövlət katibi Qəzzada atəşkəsin, bütün girovların azad edilməsinin, eləcə də humanitar yardımın çatdırılmasının sabitliyinin vacibliyini vurğuladı”, – Dövlət Departamenti qeyd edib.
Blinken həmçinin qeyd edib ki, HƏMAS “atəşkəsi təmin etmək və Qəzza sakinlərinə yardım etmək üçün hətta məhdud sayda girovları azad etməkdən yenə də imtina edib”, agentlik əlavə edib.
“O, münaqişədən sonrakı dövr üçün idarəetməni, təhlükəsizliyi və yenidənqurmanı təmin edəcək yolun yaradılmasının vacibliyini müzakirə edib”, – Dövlət Departamenti əlavə edib.
