Bu gün Vaşinqtonda ABŞ Dövlət katibinin iştirakı ilə Ermənistan və Azərbaycan xarici işlər nazirləri arasında üçtərəfli danışıqlar baş tutacaq. Vətəninfo.az xəbər verir ki, bu barədə Ermənistan XİN məlumat yayıb.
Ermənistan XİN-dən bildiriblər ki, bu görüş Vaşinqtonda əldə olunmuş razılığa əsasən baş tutacaq.
Qeyd edək ki, iyulun 9-da Azərbaycanın xarici işlər naziri Ceyhun Bayramov Amerika Birləşmiş Ştatlarına işgüzar səfərə yola düşüb. Məlumata görə, səfər çərçivəsində Ceyhun Bayramovun ABŞ-nin paytaxtı Vaşinqton şəhərində keçiriləcək NATO Zirvə görüşündə iştirakı, habelə bir sıra yüksək səviyyəli ikitərəfli görüşlərinin keçirilməsi nəzərdə tutulub.
