Rusiya Federasiyası Prezidentinin mətbuat katibi Dmitri Peskov bəyan edib ki, Rusiya Federasiyası Ukraynadakı münaqişənin dondurulmaması mövqeyindədir. Vətəninfo.az xəbər verir ki, bu barədə TASS məlumat yayıb.
“Rusiya birləşib” deyən o, Rusiya Federasiyasının Qərblə bir olub-olmaması sualını cavablandırarkən deyib ki, Ukrayna münaqişəsinin dondurulmasına imkan vermək olmaz.
Peskovun sözlərinə görə, Rusiya Federasiyası yalnız xüsusi hərbi əməliyyatı başa çatdırmaq, öz maraqlarını təmin etmək, Rusiya qarşısında qoyulan məqsədlərə nail olmaq imkanlarını nəzərdən keçirir.
Qeyd olunur ki, daha əvvəl Almaniya kansleri Olaf Şolz bəyan edib ki, Ukraynadakı vəziyyətlə bağlı sülh danışıqlarının aparılması münaqişəni dondurmaq məqsədi daşımamalıdır. Ukraynanın xarici işlər naziri Dmitri Kuleba da Ukrayna münaqişəsinin dondurulmasının yolverilməz olduğunu açıqlayıb.
Xatırladaq ki, Ukraynada Rusiya Federasiyası silahlı qüvvələrinin xüsusi əməliyyatı davam edir.
