Çin lideri Si Cinpin bunu Cənubi Koreyanın Busan şəhərində ABŞ prezidenti Donald Trampla görüşündə açıqlayıb.
Çin xəbər agentliyi Sinhua-nın məlumatına görə, o, “İki ticarət və iqtisadi qrupumuz əsas narahatlıq doğuran məsələləri həll etmək üçün fundamental razılaşmalara çatıb və ümidverici irəliləyiş əldə ediblər” deyib.
Cinpin qeyd edib ki, Çin və ABŞ bir-birinə uğur qazanmağa və ortaq rifaha nail olmağa kömək edə bilərlər.
“İllər ərzində dəfələrlə açıq şəkildə bildirmişəm ki, Çin və ABŞ tərəfdaş və dost olmalıdırlar. Tarix bizə bunu öyrədib və reallıq bunu tələb edir” deyib.
Çin lideri vurğulayıb ki, iki ölkənin fərqli milli xüsusiyyətləri var, buna görə də dünyanın ən böyük iki iqtisadiyyatı arasında zaman-zaman fikir ayrılıqlarının yaranması təsadüfi və təbii deyil. Lakin o bildirib ki, ABŞ və Çin çətinliklərə baxmayaraq, rahat irəliləməlidirlər.
Si Cinpin bildirib ki, “Çin-ABŞ münasibətləri üçün möhkəm təməl qoymaq və iki ölkəmizin inkişafı üçün əlverişli şərait yaratmaq üçün Prezident Trampla işləməyə davam etməyə hazıram”.
O, həmçinin bildirib ki, Çinin inkişafı hazırkı ABŞ administrasiyasının siyasəti ilə ziddiyyət təşkil etmir.
“Çin və ABŞ qarşılıqlı faydalı nəticələrə və ortaq rifaha nail ola bilərlər və dost və tərəfdaş olaraq qalmalıdırlar”, – deyə Çin lideri bildirib.
