Arxeoloqlar, Çin Xalq Respublikasının Şaansi əyalətinin Sian şəhərində 560-dan çox qədim məzar tapıblar. Tapıntıların əksəriyyəti eramızdan əvvəl 5-ci əsrdən 3-cü əsrə qədər davam edən Döyüşən Dövlətlər dövrünə aiddir. Bu dövr, Çin tarixində müxtəlif krallıqların bir-biri ilə mübarizə apardığı, vahid bir imperiyanın hələ formalaşmadığı bir vaxt idi.
Qeyd edək ki, alimlər bu dövrə aid dəfn yerlərinin ilk dəfə olaraq aşkar edildiyini bildirirlər. Arxeoloji qazıntılar bu ilin may-oktyabr ayları arasında aparılıb. Qazıntılar nəticəsində 1100-dən çox artefakt, o cümlədən qablar, gil əşyalar və heykəlciklər tapılıb. Bu tapıntılar, Çin tarixinin və mədəniyyətinin erkən dövrünə dair yeni məlumatlar əldə edilməsinə imkan verəcək.
