ABŞ prezidenti Co Bayden ölkədə parlament seçkilərinin saxtalaşdırılmasına etirazlar fonunda Gürcüstan hakimiyyətinə müraciət edib.
“Biz Gürcüstan hökumətini seçkilərdəki bütün pozuntuları şəffaf şəkildə araşdırmağa və dərhal bütün siyasi qüvvələrlə dialoqa başlamağa çağırırıq”, – ABŞ prezidenti bildirib.
Bayden deyib ki, oktyabrın 26-da keçirilən seçkilər zamanı “hökumət resurslarından təkrar sui-istifadə halları, seçicilərin hədə-qorxuları və məcburiyyətləri” olub.
“Birləşmiş Ştatların gürcü xalqının yanında olması və ölkənin suverenliyi, ərazi bütövlüyü və Avro-Atlantik istəklərini dəstəkləməsinin uzun tarixi var.
Buna görə də mən ölkədə son zamanlar baş verən demokratik uğursuzluqlardan, o cümlədən Rusiya qanunvericiliyinin, fundamental azadlıqları və müstəqil vətəndaş cəmiyyəti təşkilatları üçün məkanı məhdudlaşdıran qanunların qəbulundan çox narahatam”.
