Vətəninfo.az xəbər verir ki, Mineralnıye Vodıdan Dubaya uçan Azimut Hava Yollarına məxsus təyyarə təyyarənin sistemlərindən birində indikatorun nasazlığı səbəbindən hava limanına qayıdıb.
“Uçuşların təhlükəsizliyini təmin etmək məqsədilə A46087 Mineralnıye Vodı-Dubay reysinin komandiri təyyarə sistemlərindən birinin işləmə göstəricisinin aktivləşməsi ilə əlaqədar 2025-ci il fevralın 23-də uçuş hava limanına qayıtmaq qərarına gəlib”, – aviaşirkətin məlumatında deyilir.
Moskva vaxtı ilə saat 6:11-də təyyarə Mineralnıye Vodı hava limanına təhlükəsiz eniş edib. Uçuşun sərnişinləri Azimut Hava Yollarına məxsus ehtiyat təyyarə ilə Dubaya aparılacaq.
