BFMTV agentliyin mətbuat açıqlamasına istinadən xəbər verir ki, X platformasının sahibi İlon Mask və keçmiş baş direktor Linda Yaccarino aprelin 20-də Paris prokurorluğu tərəfindən dindirilməyə çağırılıblar.
Fransa televiziya kanalları da X-in Paris ofislərində aparılan axtarışlar barədə məlumat verir.
Prokurorun hərəkətləri 2025-ci ilin yanvar ayında alqoritm manipulyasiyası və qanunsuz məlumat toplama iddiaları ilə bağlı açılan istintaqla bağlıdır.
***
Telegram sosial şəbəkəsinin təsisçisi Pavel Durov İlon Maskın sahibi olduğu X şəbəkəsinin Paris ofisində axtarışların getdiyini bildirib.
Durov yazır:
“Fransa polisi hazırda Parisdəki X ofisində axtarış aparır.
Fransa dünyada insanlara istənilən ölçüdə azadlıq təklif edən bütün sosial şəbəkələri — (Telegram, X, TikTok)… cinayətkarcasına cəzalandıran yeganə ölkədir.
Çaşmayın: bu, azad ölkə deyil.”
X şəbəkəsinin sahibi İlon Mask hələ ki, məsələyə açıq reaksiya bildirməyib.
