Vətəninfo.az xəbər verir ki, bu gün İranın xarici işlər naziri Abbas Əraqçı 🇪🇺 Avropa İttifaqının xarici işlər və təhlükəsizlik siyasəti üzrə ali nümayəndəsi Kaya Kallasa ünvanlandığı mesajda bildirib ki, İran ədalətli və diplomatik danışıqları bərpa etməyə hazırdır.
Onun sözlərinə görə, bu yalnız Avropa ölkələrinin ciddilik və xoş niyyət nümayiş etdirməsi, habelə danışıqların uğur şanslarını zəiflədən dağıdıcı addımlardan çəkinməsi şərti ilə mümkündür.
XİN başçısı vurğulayıb ki, mübahisənin həlli mexanizminə müraciət etmək və ya sanksiyaların bərpasını aktivləşdirmək üçün Avropa üçlüyünün – Fransa, Britaniya və Almaniyanın – heç bir hüquqi əsası və səlahiyyəti yoxdur.
