Vətəninfo.az xəbər verir ki, Türkiyə Prezidenti Rəcəb Tayyib Ərdoğan Ankarada Pakistanın Baş naziri Şahbaz Şərifi qəbul edib.
Görüş zamanı Ərdoğan bildirib ki, Ankara Türkiyə ilə Pakistan arasında münasibətlərin yaxşılaşdırılması və 5 milyard dollarlıq ticarət hədəfinə nail olmaq üçün addımlar atmağa davam edəcək.
O qeyd edib ki, Türkiyə ilə Pakistan arasında terrorla mübarizədə təlim, kəşfiyyat məlumatlarının mübadiləsi və texnoloji dəstək sahələrində həmrəyliyin gücləndirilməsi hər iki ölkənin maraqlarına uyğundur.
O vurğulayıb ki, İstanbul-Tehran-İslamabad dəmir yolu xətti fəaliyyətə başlamalıdır. Təhsil sahəsində atılacaq konkret addımlar əlaqələrin möhkəmlənməsinə kömək edəcək.
