Vətəninfo.az xəbər verir ki, Türkiyə prezidenti Rəcəb Tayyib Ərdoğan ilk olaraq Hindistanda keçiriləcək G-20 Liderlər Sammitində iştirak edəcək. Daha sonra Birləşmiş Millətlər Təşkilatının 78-ci Baş Assambleyasına qatılmaq üçün ABŞ-a səfər edəcək. Ərdoğan sammit çərçivəsində dünya liderləri ilə də ikitərəfli görüşlər keçirəcək.
Ərdoğan sentyabrın 9-10-da Hindistanda keçiriləcək G-20 Liderlər Zirvə toplantısına qatılacaq.
Sammit çərçivəsində ikitərəfli münasibətlərlə yanaşı, regional və qlobal problemlər də müzakirə olunacaq.
Prezident Ərdoğan 17-21 sentyabr tarixlərində Birləşmiş Millətlər Təşkilatının Baş Assambleyası münasibətilə ABŞ-a səfər edəcək, Baş Assambleyada dünya liderləri qarşısında çıxış edəcək.
Prezident Ərdoğanın İslamofobiya, qaçqınların vəziyyəti, iqlim dəyişikliyi, Kıbrıs (Kipr) problemi, Rusiya-Ukrayna müharibəsindəki son vəziyyət və taxıl daşınması kimi mövzularda mühüm mesajlar verəcəyi gözlənilir.
