Vətəninfo.az xəbər verir ki, Türkiyə prezidenti Rəcəb Tayyib Ərdoğan şənbə günü Rusiya prezidenti Vladimir Putinlə telefon danışığı zamanı Ankaranın Rusiyadakı vəziyyətin sülh yolu ilə tezliklə nizamlanmasına dəstək verməyə hazır olduğunu bildirib.
“Prezident Ərdoğan sağlam düşüncə ilə hərəkət etməyin vacibliyini vurğuladı. Danışıqlar zamanı vurğulanıb ki, Rusiyada baş verənlərdən heç kəs faydalanmamalıdır. Bu kontekstdə prezident Ərdoğan bildirib ki, Türkiyə sülh və əmin-amanlıq şəraitində hadisələrin tez həllinə töhfə verməyə hazırdır”, – Türkiyə prezidentinin dəftərxanasından jurnalistlərə bildiriblər.
