Vətəninfo.az xəbər verir ki, Türkiyə Prezidenti Rəcəb Tayyib Ərdoğan Vaşinqtonda NATO sammitindən sonra mətbuat konfransı keçirib.Türkiyə Prezidenti mətbuat konfransında bir çox məsələlərə münasibət bildirib.
Azərbaycan və Ermənistan arasında sülh müqaviləsi haqqında:
Bu məsələ ilə bağlı qərarı mən yox, İlham bəy verəcək. Təbii ki, biz Ermənistanla Azərbaycan arasında sazişin imzalanmasını və sülhün bərqərar olmasını istəyirik. Ermənistanın baş naziri ilə görüşlərimizdə görürük ki, müsbət addımlar atılır. Qardaşım İlham da mənimlə görüşlərdə deyirdi ki, müsbət addımların tərəfdarıdır.
2026-cı ildə Türkiyədə keçiriləcək NATO sammiti haqqında
Hazırda onun hansı şəhər olacağına hələ qərar verməmişik. Bunu müzakirə edib qiymət verəcəyik. Məncə, təbii ki, İstanbul üçün belə bir tədbirin keçirilməsi olduqca münasib olardı. Biz İstanbulda belə böyük bir zirvə təşkil edə biləcəyik, burada əvvəllər bunu keçirmişdik. Ümid edirəm ki, İstanbul olacaq və oradan NATO-da dünyanı birlikdə salamlayacağıq.
Şanxay Əməkdaşlıq Təşkilatı haqqında
Hazırda ŞƏT-də müşahidəçi olan Türkiyənin məqsədi təşkilata tamhüquqlu üzv olmaqdır. İndi o, Şanxay beşliyinə qoşulmalıdır.
Taxıl müqaviləsi haqqında
Rusiya prezidenti Vladimir Putinlə Qara dəniz taxıl təşəbbüsü haqqında danışdıq. Prosesə nəzarət edəcəyik. Əgər biz bu məsələdə hər iki tərəfi, Rusiya və Ukraynanı birləşdirə bilsək, o zaman ümid edirəm ki, Qara dəniz təşəbbüsünü bərpa etmək üçün addımlar atacağıq. İstanbulda bu prosesi Dolmabaxça sarayında tamamlaya biləcəyimizi gözləyirik. Bu bizim gözləntimizdir.
Prezident Bəşər Əsədlə görüş haqqında
İki həftə əvvəl mən cənab Əsədi ya mənim ölkəmə gəlməyə, ya da bu görüşü üçüncü ölkədə keçirməyə çağırdım. Mən xarici işlər nazirinə bu danışıqları təşkil etməyi tapşırmışam. Biz [Suriya] həmsöhbətlərimizlə görüşərək yeni normallaşma prosesinə başlamaq istəyirik. Ümid edirəm ki, münasibətlərdəki inciklikləri və çətinlikləri dəf edə bilərik.
F-16 haqqında
Mən cənab Baydenlə danışdım və bu məsələni həm dünən, həm də bu gün birbaşa müzakirə etdim. O bildirib ki, proses deyilən kimi davam edərsə, 3-4 həftə ərzində məsələni həll edəcək. [F-16 üçün] komponentlər məsələsinə gəlincə, biz bunu şəxsən də müzakirə etdik.
Xatırladaq ki, Bloomberg bundan əvvəl Türkiyənin guya F-16 qırıcı təyyarələri ilə bağlı müqavilənin həcmini azalda biləcəyini, həmçinin yerli müəssisələrdə onlar üçün komponentlərin istehsalı ilə bağlı qərarlara nail olmaq istədiyini bildirmişdi.
https://x.com/i/broadcasts/1ypKdpbLOkNKW
