image-erdoganbackend

Ərdoğandan xəbərdarlıq: Kim bunu etsə, qarşısında bizi görəcək

image-reklam_sirab_01

“Kim Türkiyəni yenidən terror təhlükəsi altına salmaq istəsə, qarşısında bizi görəcək”.

Bunu Türkiyə Prezidenti, hakim Ədalət və İnkişaf Partiyasının sədri və “Cümhur İttifaqı”nın dövlət başçısı postuna namizədi Rəcəb Tayyib Ərdoğan tviterdə yazıb.

O bildirib ki, əlbəttə, ölkədə çatışmazlıqlar da var: “İstəyib, amma reallaşdıra bilmədiyimiz məsələlər mövcuddur. Amma Türkiyəyə azadlıqlarla bağlı qazandırdıqlarımız ortadadır. İndi geri addım atılmasına əsla imkan verməyəcəyik. Kim kürd uşaqlarının əlinə silah verib hərbçimizə, polisimizə, mülki insanımıza atəş açdırmağa cəhd etsə, qarşısında bizi görəcək. Kim imperialist güclər üçün millətimizin sabitliyinə qəsd etsə, qarşısında bizi görəcək. Kim haqlarınıza əl uzatmağa cəhd etsə, qarşısında Rəcəb Tayyib Ərdoğanı, “Cümhur İttifaqı”nı görəcək. Kim haqlarınıza əl uzatmağa çalışsa, qarşısında Rəcəb Tayyib Ərdoğanı, “Cümhur İttifaqı”nı görəcək. Rəbbim ömür, millətimiz səlahiyyət verdikcə bu ölkədə analar bir daha ağlamayacaq”.

Dövlət başçısı qeyd edib ki, daha uşaqları kimsə məcbur şəkildə dağlara qaçıra bilməyəcək: “Gecələr şəhərlərimizə terrorun qaranlığı çökməyəcək. Mənim kürd qardaşımız kimsə təhdid edə bilməyəcək. Türkiyə 85 milyon üçün daha azad, rifahdolu bir yer olmaq üçün çalışacaq”.


  • whatsapp
  • messenger
  • telegram
  • vkontakte
  • odnoklassniki