Aprel və may aylarında Gürcüstanın Daxili İşlər Nazirliyi Miqrasiya Qanununu pozduqları üçün 42 nəfəri ölkədən deportasiya edib. Vətəninfo.az xəbər verir ki, bu barədə Gürcüstanın Daxili İşlər Nazirliyi məlumat yayıb.
Məlumata görə, Gürcüstan Daxili İşlər Nazirliyinin Miqrasiya Departamenti son iki ayda 42 vətəndaşı həbs edib. bəziləri öz istəyi ilə ölkəni tərk etmiş, bəziləri isə məcbur olmuşdur.
Qovulanlar arasında Ermənistan, İraq, İran, Əlcəzair, Pakistan, Rusiya, İordaniya, Misir və digər ölkələrin vətəndaşları var. Həmçinin qeyd olunur ki, Gürcüstana qanuni əsaslar olmadan gələn və “müxtəlif anti-ictimai fəaliyyətdə” iştirak edən 8 azyaşlı Azərbaycan vətəndaşı deportasiya edilib.
