Türkiyə bayrağı Ermənistanla sərhədə yaxın bir dağda qaldırılıb. Qars vilayətinin Akyaka rayonunun İncədərə kəndinin sakinləri Ermənistanla sərhəddə Türkiyə bayrağını qaldırmaqla 20 illik arzusunu gerçəkləşdiriblər.
İHA-nın məlumatına görə, bayraq 2500 metr hündürlüyündə olan Karakuzu dağının zirvəsində qaldırılıb. Bayraq dirəyinin hündürlüyü 15 metr, bayrağın özünün uzunluğu isə 6 metrdir. Xüsusi işıqlandırma sayəsində bayraq hətta gecələr də görünür.
