F-16 qırıcılarının Ukraynaya çatdırılması ən yaxşı halda bir neçə ay davam edəcək.
Vətəninfo.az xəbər verir ki, bu barədə ABŞ Hərbi Hava Qüvvələri naziri Frenk Kendall bildirib .
Qeyd olunur ki, indiyədək ABŞ prezidentinin administrasiyası ukraynalı pilotların hazırlanması təşəbbüsünü dəstəkləsə də, Ukraynanı Amerika qırıcıları ilə silahlandırmaq planı ilə bağlı bir neçə detal təqdim edib.
Kendall vurğulayıb ki, Ukraynanın F-16-ları idarə edə bilməsi üçün ən azı bir neçə ay vaxt lazımdır. Ukraynalı pilotların çoxlu sayda Qərb təyyarələrində uçması üçün bir sıra detalları işləmək lazımdır.
Kendall jurnalistlərə deyib: “Heç bir halda biz F-16 və ya hər hansı digər Qərb qırıcısını bir neçə aydan əvvəl Ukrayna Hərbi Hava Qüvvələrinin əlinə verməyəcəyik”.
Eyni zamanda, nəşr vurğulayır ki, bu, kifayət qədər sürətli dövrdür, çünki yeni amerikalı F-16 pilotunun hazırlığı adətən iki ildən çox vaxt aparır, pilotun yenidən hazırlıq kursu isə beş aya qədər vaxt apara bilər.
