Türkiyənin xarici işlər naziri Hakan Fidan dövlət katibi Antoni Blinkenlə telefonla Fələstinin radikal HƏMAS hərəkatı ilə İsrail arasında atəşkəs danışıqlarındakı vəziyyəti müzakirə edib. Bu barədə Türkiyə Xarici İşlər Nazirliyinin rəsmi nümayəndəsi Öncü Kecəli məlumat verib.
“Amerika tərəfinin xahişi ilə bu gün baş tutan telefon danışığı zamanı HƏMAS və İsrail arasında atəşkəs danışıqlarındakı vəziyyət və regionda baş verən hadisələr müzakirə edilib”, – X-dəki diplomatın bəyanatında deyilir.
