Fransa Çinlə qarşıdurmanın dərinləşməsi qorxusuna görə Tokioda NATO missiyasının açılmasına qarşıdır.Vətəninfo.az-ın məlumatına görə , bu barədə TASS Fransanın Yaponiyadakı səfiri Filip Setonun bəyanatına istinadən xəbər verir.
“Biz Tokioda NATO ofisinin açılmasına razı ola bilmərik. Biz Çinə və Asiyadakı tərəfdaşlarımıza yanlış mesaj verməməliyik”, – diplomat bildirib.
Daha əvvəl “Financial Times” öz mənbələrinə istinadən qeyd edib ki, Parisin mövqeyi NATO-nun Asiyada ilk nümayəndəliyinin açılması ilə bağlı danışıqları çətinləşdirir. Qəzetin yazdığına görə, Fransa prezidenti Emmanuel Makron hesab edir ki, blokun diqqəti Şimali Atlantika regionuna yönəlməlidir.
