Vətəninfo.az İA olaraq Qanun Nəşriyyatı tərəfindən olduqca maraqlı bir kitabın – gənc şair Zərintac Rəncibərinin “Qırmızıdan bənövşəyiyə” adlı kitabının işıq üzü görməsi haqqında xəbər vermişdik. Bu günlərdə isə əslən Cənub Azərbaycandan – Təbrizdən olan gənc şairin ilk kitabının imza mərasimi keçirilmişdir. Çığır İctimai Birliyinin sosial sahibkarlıq layihələrindən olan “Kitab bağı”nda baş tutan bu mərasimdə Azərbaycan Yazıçılar Birliyinin üzvləri, tanınmış ziyalılar, Cığır İctimai Birliyinin təsisçisi, filologiya üzrə fəlsəfə elmləri doktoru Yeganə Mirzəyeva, şairlər Günay Nəriman, Əzizə Ağahüseynqızı, Faiq Balabəyli və eləcə də, digər ədəbiyyat və poeziya sevərlər iştirak etmişdir. Tədbirdə çıxış edənlər gənc şairin ilk kitabının işıq üzü görməsi ilə bağlı onu təbrik etmiş, kitabda dərc olunmuş şeirlərlə bağlı öz düşüncə və təəssüratlarını bölüşmüş, gənc şairə yeni-yeni yaradıcılıq uğurları diləmişlər.
“Vətəninfo.az” İA də bu təbriklərə qoşularaq ilk kitabının işıq üzü görməsi münasibətilə gənc şair Zərintac Rəncibərini bir daha təbrik edir, ona yeni-yeni yaradıcılıq uğurları diləyir!
Vətəninfo.az İA
