Google Chrome brauzerində irimiqyaslı fasilə yaranıb, bunun nəticəsində milyonlarla Windows istifadəçisi saxlanmış parollara girişi itirib. Vətəninfo.az xəbər verir ki, bu barədə “Forbes” məlumat yayıb. Problemə görə istifadəçilər köhnə parollarını tapıb yenilərini saxlaya bilməyiblər. Nə az, nə çox 15 milyon insan problemlə üzləşib.
Mütəxəssislər qeyd edirlər ki, bu rəqəm daha da çox ola bilər, çünki Chrome dünyada üç milyarddan çox insan tərəfindən istifadə olunur. Problem tez bir zamanda həll edildi və brauzerin yenilənməsindən sonra hər şey normal iş vəziyyətinə qayıtdı. Google artıq problemlə bağlı rəsmi üzr istəyib.
