Gürcüstan hökuməti ölkəyə sığınan ukraynalı qaçqınlara təxminən 38 milyon lari (15 milyon ABŞ dollarından çox) məbləğində maliyyə yardımı edib.
Vətəninfo.az xəbər verir ki, bu barədə respublika hökumətinin yaydığı 2022-ci il hesabatda deyilir.
“Gürcüstan müxtəlif sosial və təhsil proqramları vasitəsilə Ukraynaya, o cümlədən ölkəmizdəki 26 mindən çox ukraynalıya əhəmiyyətli humanitar və maliyyə yardımı göstərir.
2022-ci ildə Gürcüstanın göstərdiyi yardım təxminən 38 milyon lari təşkil edib”, – hesabatda deyilir.
Qeyd olunduğu kimi, Gürcüstan Nazirlər Kabineti digər layihələrlə yanaşı, beş layihə həyata keçirib, onlara əsasən, ukraynalı uşaqların reabilitasiya mərhələsindən keçərək ölkədə istirahət etmək imkanı verilib.