Hakerlər məşhur messencerlərdə saxlanılan məlumatları oğurlayaraq cihazları casus proqramlarla yoluxdurmaq üçün “SafeChat” adlı saxta Android proqramından istifadə edirlər.
Vətəninfo.az Bleeping Computer istinadən xəbər verir ki , zərərli proqram Telegram, Signal, WhatsApp, Viber və Facebook Messenger kimi mesajlaşma proqramlarını hədəf alır.
CYFIRMA tədqiqatçılarının fikrincə, bu hücumların arxasında Hindistanın APT Bahamut haker qrupu dayanır. Onların son taktikaları WhatsApp vasitəsilə yayılan fişinq mesajlarını əhatə edir.
Hakerlər tez-tez qurbanları SafeChat-ı quraşdırmağa inandıraraq, bunun ünsiyyət üçün daha təhlükəsiz platforma olduğunu iddia edirlər. Tətbiqin interfeysi əsl messencerin interfeysinə çox bənzəyir və hətta istifadəçiləri qeydiyyat prosesindən keçməyə sövq edir ki, bu da onun etibarlılığını artırır.
Profilin qurulması zamanı saxta messencer hakerlərə kritik məlumatlara çıxışı təmin edərək müxtəlif məlumat və funksiyalar üçün icazə tələb edir .
CYFIRMA iddia edir ki, hakerlər Hindistan ştatlarından birinin səlahiyyətliləri ilə əlaqələri var. “WhatsApp” istifadəçilərinə bu cür sxemlərin qurbanı olmamaq üçün ehtiyatlı olmağa və proqramları yalnız rəsmi və etibarlı mənbələrdən yükləməyə çağırılır.
