Fələstinin HƏMAS və FƏTH hərəkatlarının nümayəndələri Moskvada görüşə hazırlaşırlar, lakin bu məsələ Pekin danışıqlarından sonra ətraflı müzakirə olunmalıdır.
Vətəninfo.az xəbər verir ki, bu barədə Fələstinin Rusiyadakı səfiri Abdel Hafiz Nofəl “İzvestiya” qəzetinə müsahibəsində bildirib.
“Rusiya paytaxtında gözlənilən görüşlərə gəlincə, onlar mütləq baş tutacaq, çünki Moskva Fələstin məsələsinin uzlaşdırılmasında ayrılmaz tərəfdaş olub və qalır, bu prosesdə böyük səylər göstərir və mühüm rol oynayır. Lakin bu məsələ Pekindəki danışıqlardan sonra ətraflı müzakirə olunmalıdır”, – diplomat bildirib.
