Serbiya prezidenti Aleksandr Vuçiç hər gün 200-dən çox ölümlə hədələndiyini bildirib.
Vətəninfo.az xəbər verir ki, o, bu barədə ölkədə Daxili İşlər Nazirliyi və Polis Günü münasibətilə təşkil olunan mərasimdə çıxışı zamanı bildirib.
Vuçiç Belqradda keçirilən kütləvi etiraz aksiyasına Vuçiçin təsviri olan asılmış kukla gətirən müxalifətin hərəkətinə münasibət bildirməsini xahiş edən jurnalistlərin suallarını cavablandırıb.
Prezident qeyd edib ki, ən azı 2017-ci ildən hökumət əleyhinə nümayişlərdə daim asılmalar görünür, onun sözlərinə görə, o, artıq buna öyrəşib.
“Mənim işim belə iyrənc və rəzil şeylərə dözməkdir. Mən respublikanın prezidentiyəm, mənim işim ölüm və ölüm cəzası təhdidlərinə dözməkdir”, – Vuçiç bildirib.
“Düşünürəm ki, Serbiyanın daxili işlər naziri hər gün mənə qarşı 200-dən çox birbaşa təhdid edildiyini bilir. Mən bununla yaşayıram, öyrəşmişəm, respublikanın prezidenti və ya görkəmli siyasətçi olanda dözməyi öyrənməlisən”, – o əlavə edib.
