Livan ərazisindən İsrailin şimal bölgələrinə ən azı 135 raket atılıb.
Vətəninfo.az xəbər verir ki, bu barədə İsrailin “Ynet News” xəbər platforması məlumat yayıb.Nəşrin məlumatına görə, avqustun 21-i səhər saatlarından etibarən şiə “Hizbullah” hərəkatı tərəfindən İsrailin şimal icmalarına doğru 135-ə yaxın raket buraxılıb. Bir sıra yaşayış məntəqələrində hava hücumu sirenaları səsləndirilib. Ynet News daha əvvəl xəbər vermişdi ki, avqustun 20-də “Hizbullah” təxminən bir saat ərzində İsrail istiqamətində 40 raket atıb. Hər iki raket Mətət qəsəbəsində partlayıb. Onlardan biri evə dəyib, digəri isə açıq sahədə partlayıb.Fələstinin radikal HƏMAS hərəkatının hücumundan sonra Yaxın Şərqdə vəziyyət gərginləşib, nəticədə İsraildə 1200 nəfər həlak olub, 250-yə yaxın adam əsir götürülüb. İsrailin cavab hərbi əməliyyatları nəticəsində Qəzza zolağında qurbanların sayı 40 200 nəfərə çatıb.Bu müddət ərzində Livanın “Hizbullah” şiə hərəkatı və İsrail qüvvələri İsrailin şimal bölgələrində və Livanın cənubunda mütəmadi olaraq bir-birinə hücum edir.
