Pakistan Talibanı Pakistanın şimal-qərbində iki əsgər və iki yaraqlının ölümünə səbəb olan hücuma görə məsuliyyəti öz üzərinə götürüb. Vətəninfo.az Associated Press istinadən xəbər verir ki, ordunun bəyanatında deyilir ki, yaraqlılar şənbə günü axşam saatlarında ölkənin şimal-qərbində təhlükəsizlik keçid məntəqəsini atəşə tutub və nəticədə Pakistan əsgərləri ilə atışma baş verib.
Talibanın nümayəndəsi Məhəmməd Horasani bildirib ki, qrup ABŞ və NATO qoşunlarının çıxarılmasından sonra 2021-ci ilin avqustunda Əfqanıstanda hakimiyyəti ələ keçirən Əfqan Talibanı ilə birlikdə “birgə hücum” həyata keçirib.
