İranda nazirlik “millətçilik” bəhanəsi ilə Azərbaycan dilində kitabların nəşrinə qadağa qoyub.
“Azər Turan” Nəşriyyatı İran Mədəniyyət və İslami İrşad Nazirliyi “millətçilik” bəhanəsi ilə Azərbaycan dilində kitabların nəşrinə mane olması ilə bağlı bir siyahı hazırlayıb. Nəşriyyat bir neçə dəfə edilən düzəlişlərə baxmayaraq, bəzi kitabların iki ildən çoxdur nəşr icazəsi gözlədiyini bildirib.
Məlumata görə, nazirlik kitabalara senzura tətbiq etdiyi üçün hazırda onlar çap edilmir.
Qeyd olunub ki, İran Mədəniyyət və İslami İrşad Nazirliyi “İrani azəri” adlı yeni bir təhriflə güneyli yazarlara və nəşriyyatçılara əlavə təzyiq və məhdudiyyətlər göstərir.
