Tehran İsrailin İrana zərbələrinə cavab olaraq özünü müdafiə etmək hüququndan lazım bildiyi vaxt istifadə edəcək. Vətəninfo.az xəbər verir ki, bu barədə RİA Novosti agentliyinə İranın xarici işlər nazirinin baş müşaviri Əli Əsgər Hacı Tehranın oktyabrın sonunda İsrailin endirdiyi zərbələrə cavab hazırlayıb-hazırlamır sualına cavab verərkən deyib.
“İsrailin təcavüzü BMT Nizamnaməsi və beynəlxalq hüququn pozulmasıdır, onlar bizim suverenliyimizi pozublar. Özümüzü müdafiə etmək bizim qanuni haqqımızdır. Biz inanırıq ki, biz bu hüququ lazımi vaxtda və lazımi şəkildə istifadə edə bilərik”, – İran rəsmisi bildirib.
Oktyabrın 1-dən İsrail Livanın cənubunda Hizbullah qüvvələrinə qarşı quru əməliyyatı həyata keçirir və qonşu ölkədə hava bombardmanlarını davam etdirir, burada artıq mindən çox adam, o cümlədən şiə hərəkatının liderləri həlak olub. 90 mindən çox insan qaçqın düşüb. İtkilərə, o cümlədən komandanlıq heyətinə baxmayaraq, “Hizbullah” quru döyüşləri aparır və İsrail ərazisinə raket hücumunu dayandırmır.
