İran ordusu Yəmən husilərinə Qədr dəniz ballistik raketini təhvil verib. Vətəninfo.az xəbər verir ki , bu barədə İranın “Tasnim” agentliyi məlumat yayıb.
“İranın “Qədr” adlı ilk dəniz bazası ballistik raketi şəhid Həsən Tehrani-Müqəddam (İranın raket proqramının atası – red.) tərəfindən yaradılıb və indi, bir neçə ildən sonra texnologiya yəmənli qırıcıların əlindədir. .” mesajında qeyd olunub.
Çərşənbə günü ABŞ Mərkəzi Komandanlığı (CENTCOM) husilərin gəmi əleyhinə raket hücumu nəticəsində Qırmızı dənizdə ticarət gəmisinin zədələndiyini bildirib.
Yəmənin Qırmızı dəniz sahillərinin çox hissəsini nəzarətdə saxlayan şimaldakı hakim Ənsar Allah (Husilər) hərəkatı daha əvvəl İsraillə əlaqəli hər hansı gəmiyə hücum planları barədə xəbərdarlıq etmiş və digər ölkələri ekipajlarını geri çağırmağa çağırmışdı. Bir sıra gəmiçilik şirkətləri Qırmızı dəniz vasitəsilə daşımaları dayandırmaq qərarına gəliblər.
Yanvarın ortalarından etibarən ABŞ və Böyük Britaniya Qırmızı dənizdə naviqasiya azadlığına təhdidlərə cavab olaraq husilərin mövqelərinə zərbələr endirir. Ənsar Allahın ali siyasi şurasının üzvü Məhəmməd Əli əl-Husi hücumları terror barbarlığı və qəsdən və əsassız təcavüz adlandırıb.
