İranın xarici işlər naziri Abbas Əraqçi ölkənin milli qüdrətinin və müdafiə potensialının artırılmasının vacib olduğunu açıqlayıb. O bildirib ki, İranın çəkindirici qüvvələrinin daha da gücləndirilməsi milli maraqların qorunması üçün həyati əhəmiyyət daşıyır.
Vətəninfo.az xəbər verir ki, Əraqçi çərşənbə axşamı ölkənin müxtəlif bölgələrindən cümə namazı imamlarının toplantısında iştirak edərək İranın xarici siyasəti və beynəlxalq münasibətlərdəki son hadisələrdən danışıb. O, son bir ildə baş verən hadisələr, xüsusilə iyunda İsrail və ABŞ-ın hücumları zamanı İran xalqının müdafiəsini ölkə tarixində dönüş nöqtəsi adlandırıb.
Xarici işlər naziri həmçinin qeyd edib ki, milli birliyin qorunması və xalqın hüquqlarının müdafiəsi kollektiv məsuliyyət tələb edir və düşmən hərəkətlərinə qarşı müqavimətdə uğur qazanmaq üçün vacib şərtdir. Əraqçi müdafiənin müxtəlif sahələrində milli qüdrət və nüfuzun artırılmasının, eləcə də sosial kapitalın və milli birliyin gücləndirilməsinin əhəmiyyətini də vurğulayıb.
