Ermənistanda İsa Məsihin heykəli ucaldılacaq.
Veteninfo.az erməni mediasına istinadən xəbər verir ki, Ermənistanda müxalifətində olan “Çiçəklənən Ermənistan” partiyasının qurucu sədri Qaqik Tsarukyan İsa Məsihin heykəlinin hazırlanması üçün müsabiqə elan edib.
Məlumata görə, dövlət və hökumət rəsmilərindən heykəlin ucaldılması ilə bağlı razılıq alan Tsarukyan İsa Məsihin heykəlini Ermənistanda ən hüdür ərazidə qoymaq niyyətindədir.
Tsarukyan bildirib ki, xristiyanlığı qəbul etmiş ilk xalq olan ermənilər, İsa Məsihin heykəlini qoymaq haqqına sahibdirlər.
Erməni mediası yazır ki, heykəlin hazırlanması üçün müsabiqədə iştirak etmək istəyən heykəltaraşlar hesab edirlər ki, heykəl turistlərin rahat şəkildə ziyarət etməsi üçün uyğun yerdə qoyulmalıdır. Yoxsa heykəl gözdən uzaq, yolu-izi olmayan bir ərazidə qoyulsa bu səmərəsiz bir layihə olacaq.
Maraqlıdır ki, ermənilər özlərini xristiyanlığı qəbul edən ilk xalq olaraq tanımlasalar da, xristiyan aləmi ermənilərin bu açıqlamalarını cəfəngiyyat olaraq qəbul edir.
